Meksikada arxeoloqlar qədim məzarlıq tapıblar. ANS PRESS-in məlumatına görə, məzarlıq Sonora ştatının Onavas kəndində aşkar edilib. Qazıntılar zamanı Aztek ya da Mayyalara aid olduğu güman edilən məzar və qalıqlar aşkar edilib.

Arxeoloqlar 25 nəfərin məzarını müəyyən ediblər. Məzarlardakı 13 cəsədin kəllə sümüyünün normaldan daha uzun və yastı olması diqqət çəkib. Ən qəribə quruluşlu kəllə sümüyünün 1000 il tarixi olduğu ehtimal edilir.

İlkin ehtimala görə, kəllə sümüyünün fərqlilikləri sosial statusların fərqləndirmə yolu olub.