Tanınmış rejissor Nail Naiboğlu müdir oldu. Rekord sayda kliplərin müəllifi olan klipmeyker ANS PRESS-ə açıqlamasında artıq Azərbaycan Qızıl Aypara Cəmiyyətinin rəsmi işçisi olduğunu bildirdi. O, cəmiyyətin Bakı Regional Mərkəzində ictimaiyyətlə əlaqələr sektorunda müdir vəzifəsinə təyin edilib.

N.Naiboğlu sözügedən cəmiyyətlə əvvəllər də işbirliyi olduğunu deyib: "Uzun illərdir Qızıl Aypara Cəmiyyəti ilə əlaqələrim var. Hətta cəmiyyətin himninin videoçarxını da mən çəkmişəm. İndi isə cəmiyyətin rəsmi işçisiyəm".