Ümummilli lider Heydər Əliyevin Azərbaycanda rəhbərliyə gəlməsinin ildönümü münasibətilə Bakı Şəhər İcra Hakimiyyəti və “Azərbaycan Televiziya və Radio Verilişləri” Qapalı Səhmdar Cəmiyyəti Dənizkənarı Milli Parkda, Saat qülləsinin yanında bayram konserti təşkil ediblər.

AzərTAc xəbər verir ki, konsertdə paytaxtın on minlərlə sakini və qonağı respublikanın tanınmış incəsənət ustalarının ifasında mahnılar dinləyib, rəqslərə tamaşa ediblər.

Milli Parka toplaşanlar getdikcə yeni görkəm alan Bakının səmasını al-əlvan rənglərə boyayan möhtəşəm bayram atəşfəşanlığını seyr ediblər.