ATƏT-in Minsk Qrupunun amerikalı həmsədri Robert Bradtke Bakıya gəlib. Ötən gün digər həmsədr Jak For (Fransa) da Azərbaycan paytaxtına gəlmişdi. Rusiyalı həmsədr İqor Popov da Bakıya gəldikdən sonra vasitəçilər bu gün Azərbaycan rəhbərliyi ilə Dağlıq Qarabağ münaqişəsinin nizamlanmasına dair danışıqlar aparacaqlar.

Qeyd edək ki, Bakıda danışıqlar başa çatdıqdan sonra həmsədrlər qoşunların təmas xəttindən qarşı tərəfə keçərək Xankəndinə gedəcəklər. Xankəndində separatçı Dağlıq Qarabağ rejiminin başçıları ilə də görüşəndən sonra isə onlar İrəvana yollanacaqlar.