21 dekabrda dünyanın dağılacağı ilə verilən proqnozlar hər kəsi təşvişə salıb. ANS PRESS-in məlumatına görə, Tusi-Bohm və Azərbaycan Milli Elmlər Akademiyası, N.Tusi adına Şamaxı Astrofizika Rəsədxanasının alimləri bunun boş bir fərziyyə olduğunu sübuta yetirmək niyyəti ilə tədbir keçirəcəklər. “21.12. 2012 - Dünya niyə məhv olmayacaq?” adlanan tədbir Azərbaycanda yeganə olan Tusi Bohm Planitariumda baş tutacaq. Saat 15.00-da başlayacaq tədbirdə iştirakçılar dünyanın məhv olması ilə bağlı yaranmış suallara cavab tapa biləcəklər.

1.Dünyanın məhv olacağı proqnozların haradan əmələ gəlir?
2.Niyə məhz 21 dekabr?
3.Doğurdanmı X planet və ya Şumerlər tərəfindən 12-ci planet kimi adı çəkilən Nibiru planeti mövcuddur?
4.Maya təqviminin 21.12.2012 –ci ildə bitməsi bəşəriyyətin sonudurmu?
5.Yer üçün təhlükə yaradacaq başqa hansı astronomik hadisələr olar bilər?

İştirakçılara verilən məlumatlar həm də qeyri adi görüntülərlə müşayət olunacaq. Dairəvi şəkildə qurulmuş ekran planetlərin gizəmini daha da gözəl göstərir, inanın.

Tədbiri Tusi-Bohm və Azərbaycan Milli Elmlər Akademiyası, N.Tusi adına Şamaxı Astrofizika Rəsədxanası birgə hazırlayıb.