Mayya təqviminə görə, 21 dekabr tarixində dünyanın sonu gələcək. Bu tarixə artıq 3 gün qalıb. Bu inancın ən böyük sübutu isə Mayya dövründən qalan daş lövhələrir. Dünyanın sonuna inananlar bu gün üçün hazırlıqlarını davam etdirirlər. Bu ərəfədə isə Meksikada yeni açılan muzeylərdən birində bu kəhanəti göstərdiyi iddia edilən daşlardan birinin sürəti sərgilənməyə başlanılıb.

Tabasko şəhərindəki muzeydə nümayiş edilən daşa baxmaq üçün muzeyə gələnlərin ardı-arası kəsilmir.

Qeyd edək ki, Mayya təqvimi 394 illik periodlardan ibarətdir. Bu periodlar Baktun adlanır. 13-cü baktun da 2012-ci il 21 dekabrda bitir. 13 Mayya mədəniyyətində müqəddəs bir rəqəmdir.

Mütəxəssislərin sözlərinə görə, 21 dekabrın son olması ilə bağlı 6 daş var ki, bunlardan 3-ü itib. Meksikada nümayiş edilən isə bunlardan birinin sürətidir. Böyük marağa səbəb olan daşın sərgiləndiyi muzeyin işçiləri isə qiyamət barədə iddialara inanmırlar. Hər halda çoxdan gözlənilən tarixə 3 gün qalıb.