Rusiyanın Surqut şəhərində veteran şahmatçı Anatoli Karpovun şərəfinə keçirilən ənənəvi beynəlxalq turnir davam edir. Bu gün yarışda ikinci turun oyunlarına start veriləcək. Turnirdə ölkəmizin idman şərəfini qoruyan beynəlxalq qrossmeyster Vüqar Həşimov bu dəfə autsayder, rusiyalı Sergey Rublyovski ilə qarşılaşacaq.
Xatırladaq ki, Anatoli Karpovun şərəf turnirinin ilk oyun günündə Vüqar Həşimov, İsraildən olan Viorel Boloqanı məğlub etmişdi. Dairəvi sistem üzrə keçirilən yarışa iyun ayının 12-də yekun vurulacaq. /ANS TV/