Sabirabadda daşqınlardan zərər çəkmiş sakinlər üçün yeni salınmış qəsəbənin açılışı olub

APA-nın Mil-Muğan bürosunun məlumatına görə, açılış mərasimində fövqəladə hallar nazirinin müavini Orucəli Hacıyev və Sabirabad rayon İcra Hakimiyyətinin başçısı Nazim İsmayılov iştirak edib.

Yeni qəsəbədə 50 ailə üçün 2-4 otaqlı mənzillərdən ibarət müəyyən infrastruktura malik yeni evlər tikilib.

Həmin gün Ulacalı kəndində yeni əsaslı təmir olunmuş şəhid Böyükağa Ağayev adına 220 şagird yerlik orta məktəbin də açılışı olub.