APA-nın Qərb bürosunun verdiyi məlumata görə, Dövlət Baytarlıq Xidmətinin rəisi Sialə Rüstəmovanın qatıldığı tədbirdə 19 şəhər və rayon baytarlıq idarələrinin, zona baytarlıq laboratoriyalarının rəhbərləri iştirak edib.

S. Rüstəmova 2011-ci ilin yekunlarına dair hesabat məruzəsi ilə çıxış edib. O, tədbirdən sonra jurnalistlərin suallarını cavablandırıb. S. Rüstəmova Baytarlıq Xidmətinin strateji planının tərtib edildiyini bildirib: “Bu strateji plana uyğun olaraq 2012-ci ildən başalayaraq Baytarlıq Xidmətində dəyişikliklər olacaq. Bununla yanaşı, Avropa İttifaqının dəstəklədiyi layihə əsasında heyvanların identifikasiyası və qeydə alınması həyata keçirilir. Regionların Sosial İqtisadi İnkişafı proqramına uyğun olaraq Dövlət Baytarlıq Xidmətinin regionlarda inzibati binalarının, diaqnostik kabinetlər və zona baytarlıq lbaratoriyalarının tikintisnə başlanıb”.