Şirvan şəhərində bıçaqlanma hadisəsi baş verib. Şirvan Polis Şöbəsinin müstəntiqi Kənan Zeynalovun APA-ya verdiyi məlumata görə, Qaradağ rayon sakini İbrahimov Zahir Əjdər oğlu ailə münaqişəsi zəminində həyat yoldaşı, 1970-ci il təvəllüdlü Məmmədova Arzu Hüseynağa qızını bıçaqlayıb. Daha sonra isə bıçaqla özünə, qarın nahiyəsindən xəsarət yetirib. Nəticədə hər iki şəxs yaralı vəziyyətdə Şirvan şəhər Xəstəxanasına yerləşdirilib. Hər iki şəxs əməliyyat olunub və reanimasiya şöbəsinə yerləşdirilib.

Faktla bağlı şəhər Şirvan Polis Şöbəsində cinayət işi açılıb, araşdırma aparılır.