Rayon İcra Hakimiyyətindən APA-ya verilən məlumata görə, təntənəli açılışda İcra Hakimiyyətinin başçısı Əhəd Abıyev, səhiyyə nazirinin müavini Elsevər Ağayev, rayon ictimaiyyətinin nümayəndələri və rayonun səhiyyə işçiləri iştirak ediblər. Əhəd Abıyev açılış mərasimində çıxış edib. Qeyd olunub ki, xəstəxana binası müasir Avropa standartlarına uyğun inşa olunub. Xəstəxananın müasir tibb avadanlıqları və əsas vəsaitlərlə təminatına 1 milyon 168 min manatdan çox vəsait xərclənib. Xəstəxananın baş həkimi Mirzəkim Tağıyev göstərilən diqqət və qayğıya görə ölkə başçısına, Səhiyyə Nazirliyinə və rayon rəhbərliyinə minnətdarlığını bildirib. Yeni xəstəxanada rayon sakinlərinə daha yüksək səviyyədə tibbi xidmət göstəriləcəyi qeyd edilib.
Açılış mərasimindən sonra binada yeni quraşdırılmış otaqlara və avadanlıqlara baxış keçirilib.