Bu gündən “Nar Mobile”ın təşkilatçılığı ilə mart ayının 23-dək İçərişəhərdə və Qala kəndində Novruz bayramı münasibətilə şənlik tədbirləri təşkil edilib. ANS PRESS-in məlumatına görə, silsilə tədbirlər çərçivəsində paytaxt sakinləri üçün şənliklər, muzeylərə ekskursiyalar, konsert proqramları, uşaqlar üçün yarışmalar təşkil olunacaq və gənclərin əl işləri nümayiş olunur.

Bundan başqa, bu gün “Nar Mobile” xüsusi olaraq jurnalistlər üçün press tur təşkil edib. Press tur İçərişəhər daha sonra isə Qala kəndi marşurutu üzrə keçirilib.

“Bu yaxın günlərdə hamı sevimli Novruz Bayramını və baharın gəlişini qeyd edəcək. Bundan başqa abunəçilərimiz həmçinin “Nar Mobile”ın doğum gününü də qeyd edəcək. Ona görə bizim üçün bu üç qat bayramdır. “Nar Mobile” adından hər kəsi təbrik edirikrik” – deyə şirkətin sözcüsü bildirib.

Tədbirlər üç gün ərzində mart ayının 20-dən 23-dək səhər saatlarından axşam saatlarına kimi davam edəcək və hər kəs iştirak edə bilər.