Bakıda motosiklet həvəskarlarına sürpriz

“Harley-Davidson Baku” mağazası “Harley-Davidson”un 2012-ci il modelləri ilə motosiklet həvəskarlarına sürpriz hazırlayır. “Azman.co” MMC-nin baş direktoru Rüfət Məsimovun ANS PRESS-ə verdiyi məlumata görə, 17-18 martda “Harley-Davidson” tərəfindən “açıq qapı” günləri elan olunub. Bu iki gün ərzində yeni motosikletlər nümayiş etdiriləcək. Əsasən 2 yeni model – “Softail-Slim” və “Sportster Seventy-Two” müştərilərə təqdim ediləcək. Bunların texniki göstəriciləri və qiyməti bu tarixlərdə açıqlanacaq.

2012-ci ildə “Harley-Davidson” motosikletlərində bir çox yeniliklər olub. Bunlardan ən mühümü “Softail” ailəsində 103 inc. həcmində mühərriklər istifadə edilməyə başlanılıb. Bunlar tam yeni modellərdir. Bu modellər motosiklet həvəskarlarını Amerikanın klassik çağlarına qaytarır. Motosikletlərin görünüşü və texniki göstəriciləri XXI əsrə aid bütün tələblərini özündə əks etdirir.

Hazırda “Harley-Davidson Softail Delux”, “Harley-Davidson Softail Tatboy”, “Harley-Davidson CVO”, “Harley-Davidson Read King Classic” modelləri təklif edilir. Bundan başqa, motosiklet həvəskarlarına “Harley-Davidson” ehtiyat hissələri, aksessuarları və moto-geyim kolleksiyaları da təklif edilir.

Qeyd edək ki, “Harley-Davidson Baku” mağazası Bibiheybət prospekti, 2, bina 7 ünvanında fəaliyyət göstərir. “Azman.co” şirkəti (“Kawasaki”nin də rəsmi distribyutoru) “Harley-Davidson”un Azərbaycanda ilk və yeganə distribyutorudur.