"Azərbaycan Hava Yolları" QSC (AZAL) Bakı-Roma-Bakı istiqamətində müntəzəm aviareyslərin həyata keçirilməsinə başlayır. ANS PRESS-in AZAL-ın rəsmi saytına istinadla verdiyi məlumata görə, müntəzəm reyslər aprel ayının 17-dən həyata keçiriləcək. Reyslər həftənin 2, 4 və 6-cı günləri, müasir Aerobus 319, 320 tipli hava gəmilərində həyata keçiriləcək. Bakıdan uçuş vaxtı 08.25, Romaya varış 10.00. Romadan uçuş vaxtı 11.10, Bakıya dönüş 18.30.

Bu dövrdən etibarən Milan istiqamətində də həftədə 3 reysin olması həm biznes səfərlərini planlaşdırmaq, həm də turoperatorlar tərəfindən İtaliyaya fərqli turpaketlər tərtib etmək üçün geniş imkanlar yaradır.

Əlavə məlumat üçün aşağıdakı telefon və elektron poçt vasitəsilə müraciət etməyinizi xahiş edirik: Tel.: +(99412) 598-88-80, [email protected]