2009-cu ildə Bakı Metropoliten İdarəsi Rusiyada nəzərdə tutulan 25 qatar əvəzinə 15 qatar alacaq. Bu, dövlət büdcəsinin investisiya xərclərinin azalması ilə bağlıdır. Hələlik satın alma üçün vəsait ayrılmayıb. Qatarların tədarükü müddəti də müəyyən edilməyib.

Qeyd edək ki, ötən il "Metroqatar" ASC-nin Mıtişin qatar tikinti zavodundan 36 qatar alınıb. Bakı Metropolitenin istismarında 230 qatar var. Qatarların sayının artımı qatarlar arasında intervalı minimuma endirilməsinə imkan yaradacaq. /Turan/