“Quş qripi” xəstəliyinin ölkəmizə köçəri quşlarla keçmə ehtimalını daim diqqət mərkəzində saxlayan Kənd Təsərrüfatı Nazirliyi yanında Dövlət Baytarlıq Xidməti (DBX) monitorinqləri bundan sonra da davam etdirəcək. DBX-nin mətbuat xidmətindən AzərTAc-a verilən məlumata görə, növbəti monitorinq bu il aprelin 23-də başlayacaq. Hazırda ölkədə “quş qripi” və digər yoluxucu xəstəliklərə dair epizootik vəziyyət sabitdir. DBX aidiyyəti qurumlarla birgə lazımi tədbirlər həyata keçirir.