Ermənistan silahlı qüvvələrinin bölmələri martın 11-də cəbhəboyu atəşkəsi pozub. Erməni ordusu saat 08.40-dan 08.45-dək Xocavənd rayonunun ərazisindəki adsız yüksəkliklərdə, 08.45-dən 08.50-dək Ağdam rayonunun Mərzili kəndi,14.45-dən 15.20-dək Ermənistanın Krasnoselsk rayonunun ərazisindəki adsız yüksəkliklərdə yerləşən mövqelərdən Gədəbəy rayonunun ərazisindəki adsız yüksəkliklərdə, 16.30-dan 16.31-dək Ağdam rayonunun Şıxlar kəndi, 16.30-dan 16.40-dək Tərtər rayonunun Çiləbürt və Qızıloba kəndləri, 20.05-dən 20.30-dək Füzuli rayonunun Aşağı Seyidəhmədli kəndi, 21.40-dan 21.50-dək Ermənistanın İcevan rayonunun ərazisindəki adsız yüksəkliklərdə, 22.40-dən 22.50-dək Ermənistanın İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində, martın 12-də saat 01.50-dən 01.55-dək Cəbrayıl rayonunun Mehdili kəndi yaxınlığında yerlələşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Müdafiə Nazirliyinin mətbuat xidmətindən verilən məlumata görə, düşmən cavab atəşi ilə susdurulub.