APA-nın məlumatına görə, mərhumun uzun müddət ağır xəstəlikdən əziyyət çəkdiyi bildirilir. Akademik Midhət Abbasov bu gün torpağa tapşırılacaq.

Qeyd edək ki, Midhət Addasov 1926-cı ildə Bakıda anadan olub. Azərbaycan Sənaye İnstitutunun neft-mədən bölməsini bitirən M. Abbasov texnika elmləri doktorudur, 1980-ci ildən Elmlər Akademiyasının həqiqi üzvüdür. 650 elmi əsərin müəllifi olan Midhət Abbasovun 43 müəlliflik şəhadətnaməsi, 6 patenti olub. Azərbaycanın neft və qaz yataqlarının işlənməsinin nəzəri əsaslarının hazırlanmasında böyük əməyi olan akademik Midhət Abbasov qısa müddətdə dövlət katibi vəzifəsində çalışıb, 1997-ci ilədək AMEA-nın vitse-prezidenti olub. Ömrünün sonunadək AMEA Geologiya İnstitutunda işləmiş akademikin çoxlu sayda dövlət mükafatları və təltifləri var.