Zaqatala rayonunun Mazıx kəndində bir ailənin iki üzvünün ölümü ilə nəticələnən yol qəzası baş verib. Daxli İşlər Nazirliyinin mətbuat xidmətinin məlumatına görə, hadisə may ayının 21-də saat 22.30 radələrində qeydə alınıb. Rayon sakini İsa Nuhiyev dövlət qeydiyat nişanı olmayan "İS" markalı motosikleti idarə edərkən onu hasara vurub. Nəticədə İ.Nuhiyevin sərnişinləri - arvadı Sona, oğlu 3 yaşlı Ağa hadisə yerində ölüb. Özü və 2 yaşlı qızı fatimə isə yaralanıb. Xəstəxanaya yerləşdirilən yaralıların vəziyyətləri orta-ağırdır.