Bakının Suraxanı rayonunda yanğın faktı qeydə alınıb. Hadisə Yeni Günəşli qəsəbəsi, İlqar Musayev küçəsində, vətəndaşa məxsus həyətdə baş verib. Məlumata görə yanğın həmin həyətdə olan içərisi boş yarımtikili daxmada baş verib. Yanğının qarşısın almaq üçün hadisə yerinə Fövqəladə Hallar Nazirliyinin yanğınsöndürən maşınları cəlb olunub. İlkin müayinə zamanı alovun daxmanın üzərində olan elektrik xətlərində yaranmış qısaqapanma nəticəsində meydana gəldiyi müəyyən edilib.

Elektrik xətlərindən yaranan alov nəticəsində daxmanın üzərində olan taxta və digər yanar konstruksiyalar təxminən 3 kvadratmetr sahədə yanıb. Yanğının baş verdiyi ərazidə yaşayış olmadığından xəsarət halı müşahidə edilməyib. Yanğındanmühafizə briqadası alovu tez bir zamanda dəf edib. Beləcə onun qonşu ərazilərə keçəsinin qarşısı da alınıb.

Faktla bağlı nazirliyin təhqiqat qrupu tərəfindən araşdırmalar aparılır.