Ötən gecə Yasamal rayonu Nərimanov prospekti ilə İnşaatçılar prospektinin kəsişməsində yol nəqliyyat hadisəsəsi baş verib. Qəza “BMW” ilə “VAZ 2107” markalı avtomobilin toqquşması nəticəsində baş verib. Qəza zamanı xəsarət alan olmasa da hər iki avtomobilə ciddi ziyan dəyib. Qəzadan sonra “Jiqulinin” sürücüsü və onun yanında olan sərnişinlər hadisə yerindən yayınıblar.

Hadisə yerində olan olan yol patrul xidməti əməkdaşının sözlərinə görə qəza “Jiquli” sürücüsünün səhlənkarlığı ucbatından meydana gəlib. Belə ki, işıqforun tələbni yerinə yetirməyən “VAZ 2107” sürücüsünün hərəkəti davam etdirməsi idarə etdiyi avtomobilin “BMW” ilə toqquşmasıyla nəticələnib.

Faktla bağlı Yasamal rayon dövlət yol polis şöbəsinin əməkdaşları tərəfindən araşdırma başlanılıb. Qəzanın dəqiq səbəblərinin müəyyən edilməsi üçün avtotexniki və tibbi ekspertizalar təyin edilib.