ABŞ-ın Kaliforniya ştatında keçirilən "California 200" avtomobil yarışında avtomobillərdən birinin yuvarlanaraq tamaşaçıların üzərinə düşməsi faciə ilə nəticələnib. Gecə saatlarında Mojave çölündə keçirilən yarışda avtombil heç bir mühafizə bariyeri qoyulmayan zonada yığışan tamaşaçıların üstünə düşüb. Tamaşaçılardan 6-sı elə hadisə yerində, digər ikisi isə xəstəxanda dünyasını dəyişib. Yaralanan 12 nəfər təcili yardım maşınları və təcili yardım təyyarələri ilə ətraf xəstəxanalara çatdırılıblar.

Avtomobilin hansı şəraitdə idarəetməni itirməsi dəqiq bəlli olmasa da, yarış avtomobilinin sürücüsü hadisədən heç bir sıyırıq almadan canını qurtara bilib. Dünyasını dəyişən və yaralanan şəxslər isə əsasən 20-24 yaşlar arasındakı gənclərdir. ANSPRESS