Bu gün saat 22:30 radələrində Bakının Xocahəsən qəsəbəsi ərazisində ağır yol nəqliyyat hadisəsi baş verib. Hadisə şahidlərinin ANS PRESS-ə verdiyi məlumata görə, qəza zamanı “Kamaz” markalı iki yük maşını toqquşub. Qəzaya səbəb isə avtomobillərdən birinin digərinin yoluna çıxması olub. Yol nəqliyyat hadisəsi nəticəsində sürücülərdən biri elə sükan arxasında dünyasını dəyişib. Onun cəsədinin çıxarılması üçün əraziyə Fövqəladə Hallar Nazirliyinin xilasediciləri çağırılıblar.

Qaradağ rayon Polis İdarəsindən ANS PRESS-ə verilən məlumata görə, hadisə yerinə əməliyyat qrupu göndərilib və faktla bağlı araşdırma aparılır. ANSPRESS