Ötən gecə Bakının Xətai rayonu ərazisində, Nobel prospektində yol nəqliyyat hadisəsi qeydə alınıb. Şəhərdən Suraxanı rayonu istiqamətində hərəkət edən “Mercedes” markalı minik maşını Eletrotok qəsəbəsi kimi tanınan yerdə qəzaya uğrayaraq yoldan çıxıb və yolun kənarındakı dəmir yolu relslərinin üzərinə aşıb.

Qəza zamanı avtomobildə xəsarət alan olmayıb. Avtomobilə isə ciddi ziyan dəyib. Sürücünü hadisə yerində olmasa da hadisə şahidləri yol qəzasının, bir piyadanın qəfildən avtomobillərin hərəkət zolağına çıxması səbəbindən meydana gəldiyini də bildiriblər.

Baş vermiş yol qəzasının səbəblərini isə Xətai rayon dövlət yol polis şöbəsinin əməkdaşları araşdırır. Şöbənin müfəttişləri ilkin versiya olaraq avtoqəzada piyada amilinin səsləndirildiyini qeyd etsələr də, dəqiq təfərrüatlar barədə yalnız aparılan araşdırmaların yekununda məlum olacaq. ANSPRESS