Azərbaycanın Xaçmaz rayonunda güclü yanğın hadisəsi baş verib. Rayon Fövqəladə Hallar Komissiyasının sədri Akif Mərdanovun ANS PRESS-in bölgə müxbirinə verdiyi məlumata görə, bu gün səhər saatlarında rayon mərkəzində yerləşən 3 saylı orta məktəbin yanındakı “Etibar” adlı yanacaqdoldurma məntəqəsinin operatorlara məxsus işçi otağında güclü yanğın başlayıb.

Hadisə yerinə gələn iki yanğınsöndürən maşın tez bir zamanda yanğının böyüməsinin qarşısını alıblar. Yanğın nəticəsində rayon sakini Eldar Əsgərbəyliyə məxsus məntəqənin 6 kvadratmetr sahəsi, 30 kvadratmert sahədə isə tavanı yanıb. Xoşbəxtlikdən ölən və xəsarət alan olmayıb.

Hadisənin nə səbəbdən baş verməsi araşdırılır. İlkin ehtimala görə, hadisə elektrik naqillərindəki qısaqapanmadan olub.

Qeyd edək ki, bu eyniadlı məntəqədə baş verən ikinci yanğın hadisəsidir.