Yay-istirahət mövsümünün gəlişi ilə respublikanın avtomobil yollarında baş verən qəzaların sayı artmaqdadır. Bu gün Xaçmaz rayonunda ölümlə nəticələnən yol qəzası baş verib. ANS PRESS-in bölgə müxbirinin verdiyi məlumata görə, hadisə rayonun Həsənqala kəndi yaxınlığında baş verib. Belə ki, “Hyundai Getz” markalı avtomobilin sürücüsü idarəetməni itirərək yoldan çıxıb və yaxınlıqdakı gölə yuvarlanıb. Nəticədə 2 nəfər ölüb, 1 nəfər isə yaralanıb.

Yaralalan şəxsin Xudat şəhər xəstəxanasına, ölənlərin cəsədlərinin isə morqa aparıldığı bildirilir. Yerli sakinlərin dediyinə görə, “Hyundai Getz” avtomobilində Bakı sakinləri olub. Onların toydan qayıtdıqları ehtimal olunur.

Faktla bağlı yerli hüquq-mühafizə orqanları araşdırma aparır.