Xaçmaz rayonunda maraqlı hadisə baş verib. ANS PRESS-in bölgə müxbirinin məlumatına görə, hadisə bu gün saat 10.50 radələrində rayonun daş bazarı adlanan ərazidə baş verib.

Orada təmir işləri üzrə usta işləyən şəxs “KamAZ”ın yağını dəyişərkən kabinə hissəsinin kuzası onun üzərinə düşüb. Döş qəfəs nahiyəsindən əzilmiş xəsarət alan yaralı dərhal rayon xəstəxanasının travmotologiya şöbəsinə yerləşdirilib. Şöbə müdiri Ağayar Quliyev bildirib ki, yaralıya tibbi yardım göstərilərək həkim nəzarətinə götürülüb.

Faktla bağlı rayon polisi araşdırmaya başlayıb.