Bu gün saat 15:00 radələrində Bakının Yeni Günəşli qəsəbəsində bir nəfərin xəsarət alması ilə nəticələnən yol nəqliyyat hadisəsi baş verib. ANS PRESS-in məlumatına görə, qəza zamanı “VAZ 2107” markalı avtomaşınla “Mercedes C230” markalı avtomaşın toqquşub. Qəza nəticəsində 90 HD 623 dövlət nömrə nişanlı “VAZ 2107” markalı avtomaşının sürücüsü sinə nahiyəsindən küt zərbə aldığından təcili yardım maşını ilə xəstəxanaya çatdırılıb. “Mercedes” markalı avtomaşında isə təhlükəsizlik yastığı açıldığından sürücü heç bir xəsarət almayıb.

Hadisə yerinə Dövlət Yol Polis İdarəsinin Suraxanı rayon bölməsinin əməkdaşları cəlb olunub. İlkin ehtimala görə, qəza “VAZ 2107” markalı avtomaşının manevr etmə qaydalarını pozaraq döngədə yüksək sürətlə digər avtomobilin yoluna çıxması nəticəsində baş verib. Hər iki avtomobilin ön tərəfi əzilib və maşınlara ciddi ziyan dəyib. Avtomobillər evakuator vasitəsi ilə cərimə meydançasına aparılıblar. ANSPRESS