Türkiyə İstanbul şəhərinin Maltəpə rayonunda terrorçular 8 avtomobili “molotov kokteyli” ilə yandırıb. ANS PRESS Türkiyə mətbuatına istinadən xəbər verir ki, Maltəpə rayonu Gülsuyu məhəlləsindəki Güləkən küçəsində 6, Güldəstə küçəsində bir yük maşını və Əbabil küçəsində 1 avtomobil naməlum şəxslər tərəfindən yandırılıb. Hadisə yerinə yanğından mühafizə idarəsinin əməkdaşları gələrək yanğını söndürməyə çalışıb.

Baş vermiş yanğın hadisəsi barədə polis araşdırmalara başlayıb və yanğını törədənlərin yaxalanması istiqamətində iş aparılır.