Türkiyədə şairin qəbrini uçurdular

Türkiyənin tanınmış şairi Can Yücelin qəbri naməlum şəxslər təfəindən uçurulub. Hadisə Muğla vilayəti Datça rayonundakı İskele qəbristanlığında səhərə yaxın baş verib. Qeyd edək ki, avqustun 12-də şairin vəfat ildönümü olub və pərəstişkarları vəsiyyəti olduğunu iddia edərək onun qəbrinə şərab töküblər. Hadisənin də bu zəmində törədildiyi güman olunur.

Faktla bağlı Datça polis şöbəsinin əməkdaşları araşdırmalara başlayıb.

Yerli Datça sakinləri isə hadisəni kəskin şəkildə pisləyərək qəbir uçurmağın və qəbrə şərab tökmənin ölüyə qarşı eyni dərəcədə hörmətsilik olduğunu bildiriblər.

Qeyd edək ki, müsəlmanlarla yanaşı xristian və yəhudilərin də Datça qəbristanlığında basdırılması Türkiyədə bu yeri “tolerant məzarlıq” kimi məşhur edib.

Xatırladaq ki, şairin qəbrinin layihəsi Qars şəhərində baş nazir Rəcəb Tayyib Ərdoğanın ucube (eybəcər) adlandırdığı “Qardaşlıq” abidəsinin müəllifi Mehmet Aksoya aiddir.