Bakı şəhərində valyutadəyişmə məntəqəsində intihar hadisəsi baş verib. Nərimanov rayon Prokurorluğundan ANS PRESS-ə verilən məlumata görə, iyulun 31-də Bakının Nərimanov rayonu, Ataturk prospekti 41 ünvanında yerləşən “Turanbank”ın valyuta mübadilə məntəqəsinin xəzinədarı 30 yaşlı Bakı şəhər sakini Elnur Əliyev özünü məntəqənin içərisində asıb. Qapı içəridən bağlı olduğundan hüquq-müfafizə orqanlarının əməkdaşları məntəqənin dəmir barmaqları sındırmaqla içəri daxil olublar. Mərhumun üzərində zotrakılıq əlamətləri olmayan meyiti ofisin içərisində qapıdan tənziflə asılmış vəziyyətdə aşkar edilib.

İntiharın səbəbləri hələlik məlum deyil.
Faktla bağlı Nərimanov rayon Prokurorluğunda Azərbaycan Cinayət Məcəlləsinin 125-ci (özünü öldürmə həddinə çatdırma) madəsi ilə cinayət işi başlanıb.

Anar Məmmədov /ANS PRESS/