Bakıda 3 oğurluq hadisəsi qeydə alınıb. Daxili İşlər Nazirliyinin mətbuat xidmətindən ANS PRESS-ə verilən məlumata görə, Sabunçu Rayon Polis İdarəsinin (RPİ) 13-cü Polis Bölməsinin (PB) əməkdaşlarının martın 17-də həyata keçirdikləri əməliyyat-axtarış tədbirləri nəticəsində Rza Baxşiyevin evindən 1 ədəd televizor və 1 ədəd qızıl qolbaq oğurlamış Bakı şəhər sakini Fəyaz Səlimqarıyev tutulub.

Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində 16 yanvar 2011-ci il tarixində Sərdar Cabbarova məxsus mağazadan 9 ədəd mobil telefon oğurlamış Şəki şəhər sakini Murad Əliquzuyev saxlanılıb.

Oğurluq etdiklərinə görə Abşeron Rayon Polis Şöbəsi əməkdaşları tərəfindən tutulmuş Bəxtiyar Nərimanovun və Nurəddin Orucovun ətraflarında aparılmış əməliyyat tədbirləri nəticəsində onların Rəfayel İslamova, Rasim Mikayılova, Vüqar Ramazanova və Rufan Qasımova məxsus evlərdən də elektrik naqilləri oğurlamaları müəyyən edilib. ANSPRESS