Tayland və Kamboca sərhədindəki mübahisəli ərazidə son dörd gün ərzində baş verən toqquşmalarda azı 12 nəfər həlak olub. Məlumatı BBC teleradio korparasiyası yayıb. Məlumata görə, ölənlərdən 5-i taylandlı, 7-si kambocalıdır. Hər iki tərəfdən 40-dan çox hərbçi yaralanıb. Bundan başqa, 36 min adam evlərini tərk etməli olub.

Atışmalar qədim Preax Vixear məbədi ərazisində gedir. Həm Kamboca, həm də Taylandda idia edirlər ki, ilk atəşi onlar açmayıblar.

“Biz dayana və üzərimizə necə hücuma keçdiklərinə baza bilmərik. Biz də onlara e yni qaydada cavab veririk”, - Kamboca ordusunun nümayəndəsi deyib. “İnterfaks”ın məlumatına görə, Kamboca hakimiyyəti Taylandı kimyəvi silahdan istifadədə ittiham edib.

Ötən gün məlum olub ki, Kamboca və Tayland birgə sərhəddə qoşun hissələrini gücləndirməkdədir.

Tayland və Kamboca orduları arasında toqquşmalar şənbə günü səhər saatlarında başlayıb.