Avqustun 2-də gecə saat 01.00 radələrində Sabunçu rayonunun Kürdəxanı qəsəbəsi ərazisində Bakı şəhər sakini Əli Xəlilovun idarə etdiyi "Daewoo" markalı avtomaşınına sərnişin qismində oturmuş 2 naməlum şəxslə sürücü və onun dostu Azad Məmmədov arasında münaqişə baş verib.

Hadisə zamanı naməlum şəxslər A.Məmmədovu döyərək avtomaşından düşürüb, Ə.Xəlilovu bıçaqla hədələyərək 10 manat pulunu alıblar. Sonra onu arxa oturacağa oturdaraq hadisə yerindən uzaqlaşıblar.

Daxili İşlər Nazirliyinin mətbuayt xidmətinin yaydığı məlumata görə, Sabunçu RPİ 15-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini, əvvəllər məhkum olunmuş Elşən Qırxlarov tutulub, digər şəxsin tutulması üçün tədbirlər davam etdirilir. ANSPRESS