Sumqayıt şəhərində yanğın ölümə səbəb olub. ANS PRESS-in Fövqəladə Hallar Nazirliyinin rəsmi saytına istinadla verdiyi məlumata görə, yanğın zamanı ümumi sahəsi 12 kv.m olan istifadəsiz köşkün yanar konstruksiyaları yanıb. Yanğın saat 06:32-də yanğınsöndürənlər tərəfindən söndürülüb. Yanğın yerinin kəşfiyyatı zamanı 1953-cü il təvəllüdlü Valeri Nikolayeviç Kisilyovun cəsədi aşkar olunub. Hadisə ilə əlaqədar müvafiq qurumlar tərəfindən təhqiqat aparılır.