Türkiyənin “Yeşil Çam” kinematoqrafiyasının məşhur aktyoru, 100-dən çox filmə çəkilən və əsasən mənfi obrazların ifaçısı Cem Erman vəfat edib. Öz adı Süleyman Faiq Durgun olan 64 yaşlı aktyorun cəsədini bir müddətdir yaylaqda olan həyat yoldaşı aşkarlayıb. Qeyd edək ki, son vaxtlar aktyorun səhhətində təzyiq və ürək ağrıları səbəbilə narahatlıqları olub. Həyat yoldaşı isə istirahət etmək üçün yaylağa getməyi təklif etdiyi vaxt Erman orda darıxdığını bildirərək yaylağa getməkdən imtina edibmiş.