Bakıda istirahət mərkəzində yanğın olub. ANS PRESS-in Föqvəladə Hallar Nazirliyinin rəsmi saytına istinadla verdiyi məlumata görə, yanğın Binəqədi rayonunda vətəndaşa məxsus "FİNİT" firmasının ümumi sahəsi 1500 kv.m olan "STAR " istirahət mərkəzində qeydə alınıb. Mərkəzin mətbəxinin, çamaşırxanasının və 7 ədəd istirahət otağının dam örtüyü 200 kv.m sahədə yanıb. İstirahət mərkəzinin qalan hissəsi, yanacaq doldurma məntəqəsi və ümumi 65 ton olmaqla 3 yanacaq çəni yanğından mühafizə olunub. Yanğın saat 17:50-də yanğınsöndürənlər tərəfindən söndürülüb.