Siyəzən rayonun ərazisində gənc oğlanın meyiti tapılıb. ANS PRESS-in Qusar bürosundan verilən məlumata görə, bu gün saat 9:00 radələrində Siyəzən rayonunun Çarxana kəndi ərazisində 30-dan artıq bıçaq yarası almış və zorakılığa məruz qalmış cavan kişi meyiti aşkar edilib.

Siyəzən Rayon Poilis İdarəsinin əməkdaşlarının hadisə yerində apardıqları əməliyyat araşdırmaları nəticəsində məlum olub ki, bu, Sumqayıt şəhər sakini, Səməd Vurğun 24 ünvanında qeydiyyatda olan və Sumqayıt şəhət Polis İdarəsində itkin kimi axtarışda olan 1991-ci il təvəllüdlü Elvin Vəli oğlu Vəıliyevin meyitidir.

Belə ki, Elvin Vəliyev uzun müddətdir ki, özünün idarə etdiyi “VAZ-2107” markalı maşını ilə itkin dşübmüş və Sumqayıt şəhər Polis İdarəsinin əməkdaşları tərəfindən axtarışda idi.

Siyəzən rayon Polis İdarəsinin rəis müavini Yusiz Ələsgərovun ANS PRESS-ə verdiyi məlumata görə, artıq Siyəzən rayon və Sumqayıt şəhər polis idarələrinin əməkdaşları ilə birgə əməliyyat qrupu yaradılıb və cinayətkarın axtarışlarına başlanılıb.

Faktla bağlı Siyəzən rayon Polis İdarəsində cinayət işi açılıb, onun qətlində şübhəli bilinən şəxsin və şəxslərin axtarışı aparılır.