Məşhur Hollivud aktyoru Arnold Şvartseneqqer vətəni Avstriyada iki dəfə cərimə olunub. ANS PRESS-in xarici mətbuata istinadən verdiyi xəbərə görə, Kaliforniya ştatının keçmiş qubernatoruna Zaltsburq və Qrats aeroportlarında siqaret çəkmək üçün nəzərdə tutulmuş xüsusi zonadan kənarda siqar çəkdiyinə görə hər biri 200 avro olmaqla iki cərimə yazılıb.

Şvartseneqqerin bu cərimələri ödəyib-ödəməyəcəyi hələ ki, məlum deyil. Çünki ABŞ ilə Avstriya arasında bu kimi hallara dair saziş yoxdur.