Lənkəranda sərnişin avtobusu “VAZ-2106” ilə toqquşub. ANS PRESS-in bölgə müxbirinin məlumatına görə, hadisə dünən şəhərin Müzəffər Nəsirli küçəsi ilə İskəndər Səmədzadə küçələrinin kəsişməsində qeydə alınıb.

32 yaşlı Lənkəran sakini Rzayev Aqil Əlizadə oğlu idarə etdiyi “VAZ-2106” markalı 10-BB-603 dövlət qeydiyyat nişanlı avtomaşınla yol hərəkət qaydalarını pozaraq qəfildən yolun hərəkət hissəsindən əks istiqamətdə hərəkət edən sərnişin avtobusunun yoluna çıxıb və nəticədə toqquşma baş verib. Aşağı Nüvədi qəsəbə sakini, 40 yaşlı Quliyev Arzu Məhərrəməli oğlunun idarə etdiyi “PAZ-672” markalı 42-AC-691 dövlət nömrə nişanlı sərnişin avtobusu bu zaman Lənkəran şəhəri istiqamətində hərəkətdə olub və işıqforun yaşıl işığında sağa istiqamətlənərkən “VAZ-2106” onun yoluna çıxıb. Toqquşma nəticəsində “06”nın sürücüsü xəsarət alıb və Lənkəran rayon mərkəzi xəstəxanasının travmatalogiya şöbəsinə çatdırılıb.

Hazırda faktla bağlı Lənkəran şəhər polis şöbəsində araşdırmalar aparılır.