Dövlət Sərhəd Xidmətinin (DSX) cənub bölgəsində yerləşən Sərhəd Zastavasında ölüm hadisəsi baş verib. Bu barədə Cəlilabad rayonunun hüquq-mühafizə orqanlarından bildirilib.

Hadisə DSX-nın Cəlilabad rayonunun Sərxanlı kəndi ərazisindəki Sərhəd Zastavasında martın 9-da qeydə alınıb. Zastavada xidmət edən zabit, mayor Raqif Qəniyev tabeliyindəki avtomat silahdan atəş açaraq özünü öldürüb.

Hadisənin baş vermə səbəbləri məlum deyil. DSX-nin Mətbuat Mərkəzindən isə bildirilib ki, mayor Raqif Balakişi oğlu Qəniyev odlu silahla davranış zamanı təhlükəsizlik qaydalarının pozulması nəticəsində aldığı güllə yarasından martın 9-da vəfat edib. Faktla bağlı Lənkəran Hərbi prokurorluğu tərəfindən cinayət işi başlanıb, istintaq aparılır.