Şəki şəhərində qətl hadisəsi baş verib. Rayon Prokurorluğundan verilən məlumata görə, Qayabacı kənd sakini olan 35 yaşlı Eldəniz Mustafayev tüfənglə qətlə yetirilib. Ağır güllə yarası alan yaralı xəstəxanada ölüb.

Mərhumun kim tərəfindən öldürülməsi açıqlanmır. Həmçinin hadisənin hansı səbəbdən baş verməsi barədə də məlumat yoxdur. Mərhum E.Mustafayevin azyaşlı uşaq atası olduğu bildirilir.

Faktla bağlı Azərbaycan Respublikası Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.