Şamaxı rayonu ərazisində ölümlə nəticələnən ağır avtomobil qəzası baş verib. Baş Dövlət Yol Polisi İdarəsinin istintaq və təhqiqat şöbəsinin müstəntiqi Rafiq Həsənov bildirib ki, hadisə bu gün axşam saat 18:00 radələrində Bakı-Şamaxı-Yevlax avtomobil yolunun 137-ci kilometrliyində qeydə alınıb.

Məlumata görə Şamaxının Şərədil kənd sakini 1959-cu il təvəllüdlü Hacıyev Feruz Babaşah oğlunun idarə etdiyi 90-KM-521 dövlət nömrə nişanlı “NİVA” markalı minik avtomobili qarşı tərəfdən gələn Cəbrayıl rayon sakini 1989-cu il təvəllüdlü Məhəmmədli Əsgər Əli oğluna məxsus 10-NC-036 markalı “VAZ 2107” markalı minik avtomobili ilə toqquşub. Hadisə nəticəsində “VAZ 2107” markalı avtomobilin sürücüsü Əsgər Məhəmmədli dünyasını dəyişib, sərnişinlər 1989-cu il təvəllüdlü Mehdiyev Cəlil Firdovsi oğlu, 1990-cı il təvəllüdlü Cəfərova Xanım Yaqub qızı, 1991-ci il təvəllüdlü Cəlilova Ceyhun Qısmət oğlu, eləcə də “NİVA”ın sürücüsü Feruz Hacıyev və adları hələ ki, məlum olmayan iki sərnişini ağır bədən xəsarətləri ilə Şamaxı Mərkəzi rayon Xəstəxanasına yerləşdirilib.

Xəsarət alanların ikisinin vəziyyəti ağır olduğu üçün reanimasiya şöbəsinə, digər ikisi isə cərrahiyə şöbəsinə yerləşdirilib. Faktla bağlı BDYPİ-nin istintaq və təhqiqat şöbəsi tərəfindən araşdırma aparılır.