Şamaxı rayonunda ağır avtomobil qəzası baş verib. Baş Dövlət Yol Polisi İdarəsinin istintaq və təhqiqat şöbəsinin müstəntiqi Rafiq Həsənov APA-nın yerli bürosuna bildirib ki, hadisə oktyabrın 3-də gecə saat 00:30 radələrində Bakı-Şamaxı magistral yolunun 114-cü kilometrliyində, Şamaxının Sabir qəsəbəsində qeydə alınıb. İsmayıllı rayon sakini, 1968-ci il təvəllüdlü İsmayılov Mətləb Kazım oğlunun idarə etdiyi 90 FV 628 dövlət nömrə nişanlı VAZ-2107 markalı minik avtomobili qarşı tərəfdən gələn, Şamaxı rayon sakini, 1976-cı il təvəllüdlü Kazımov Cəlal Şahbala oğlunun idarə etdiyi 56 BE 724 dövlət nömrə nişanlı, “KamAZ” markalı yük avtomobili ilə toqquşub.

Hadisə nəticəsində “Jiquli”nin sürücüsü Mətləb Kazımov və sərnişin, 1960-cı il təvəllüdlü Babayev Rəhim Emin oğlu ağır bədən xəsarətləri ilə Şamaxı Mərkəzi rayon Xəstəxanasına yerləşdirilib.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən cinayət işi başlanıb, araşdırma aparılır. ANSPRESS