Dekabrn 21-dən 22-nə keçən gecə Salyanda yerləşən yeməkxanaların birində bıçaqlanma hadisəsi baş verib. ANS PRESS-in məlumatına görə, Salyan rayonu Xocalı kənd sakini, 1995-ci il təvəllüdlü Natiq Fuad oğlu Həsənov, həmkəndlisi və qohumu 1984-cü il təvəllüdlü Amid Mirhabil oğlu Həsənovu bıçaqlayıb.

Salyan şəhər Polis İdarəsinin Cinayət-Axtarış şöbəsinin rəisi Haqverdi Hüseynovun verdiyi məlumata görə, bıçaq Amid Həsənovun qarın boşluuğuna nüfuz edib. Yaralı dərhal Salyan Mərkəzi Rayon Xəstəxanasının cərrahiyə şöbəsinə yerləşdirilib və əməliyyat olunub.

Məlumata görə, hadisə dostların iştirak etdiyi məclisdə, zərərçəkənin narkotik vasitədən istifadədən imtina etdiyi üçün baş verib. Belə ki, Natiq Həsənov qohumu Amid Həsənovu nakotik maddə qəbul etməyə məcbur edib. İkincisi isə bundan imtina etdiyi üçün Natiq Həsənov onu bıçaqlayıb.

Salyan polisinin keçirdiyi əməliyyat-axtarış tədbirləri nəticəsində Natiq Həsənov tez bir zamanda saxlanılıb. Faktla bağlı cinayət işi açılıb, cinayətin başvermə səbəbləri araşdırırılır.