Bu gecə Salyan rayonunda iki nəfərin ölümü ilə nəticələnən yol-nəqliyyat hadisəsi baş verib. Bu barədə ANS PRESS-ə Baş Dövlət Yol Polis İdarəsindən məlumat verilib.

Məlumata görə, Cəlilabad sakini Elşən Oqtay oğlu Poladovun idarə etdiyi “Kamaz” markalı yük maşını ilə Salyan sakini Rəşad Müqdət oğlu Quliyevin idarə etdiyi “VAZ-2107” markalı minik avtomobili toqquşub. Hadisə avqustun 24-ü saat 01.00 radələrində Ələt-Astara yolunun 52-ci kilometrliyində qeydə alınıb.

Nəticədə “VAZ 07”-nin sürücüsü R.Quliyev və sərnişini 24 yaşlı həmyerlisi Vaqif Ələsgər oğlu Qəhrəmanov hadisə yerində ölüblər. “VAZ 2107”-də olan digər iki sərnişin isə ağır yaralı vəziyyətdə Salyan Rayon Xəstəxanasına çatdırılıb.

Faktla bağlı Baş Dövlət Yol Polis tərəfindən araşdırma aparılır. ANSPRESS