Moskvanın qərbində iki xarici maşının toqquşması ruslarla azərbaycanlıların davasına səbəb olub. Toqquşan maşınlardan birini idarə edən qız beyin silkələnməsi və əlinin çıxması nəticəsində xəstəxanaya yerləşdirilib.

Bu insidentdən sonra qəzanın iştirakçılarının dostları - ruslar və azərbaycanlılar arasında iki böyük dava başlayıb. Hüquq mühafizə orqanı əməkdaşları ümumilikdə 15 nəfərin iştirak etdiyi davanın qarşısını alıblar. Ancaq təxminən yarım saatdan sonra əraziyə 60-dək radikal əhval ruhiyyəli insanlar toplaşıb. Onlar da məsələyə yumruqla aydınlıq gətirməyə çalışsalar da, bu dəfə də polis onlara mane olub. Davanın böyüməsinə imkan verilməsə də, bir nəfərin xəsarət aldığı bildirilir.

RİA «Novosti» agentliyinin yaydığı məlumata görə qəza nəticəsində xəsarət alan qızın əl barmağının çıxması bu davanın əsas səbəbi olub.