Redaktorunun ailəsində dəhşətli faciə

Azərbaycanın Abşeron rayonunda faciəli hadisə baş verib. Bu barədə APA-ya Abşeron Rayon Polis İdarəsindən bildirilib.

Hadisə ötən gecə Qobu qəsəbəsində “Yeni məhəllə” adlanan ərazidə qeydə alınıb. Qəsəbə sakini Vasif Soltanlıya məxsus yaşayış evində baş verən yanğın nəticəsində mənzildə olan iki azyaşlı uşaq – 11 yaşlı Rüfət Vasif oğlu Soltanlı və 9 yaşlı Əhmədyar yanaraq ölüblər.

Faktla bağlı araşdırma aparılır.

Qeyd edək ki, yanğın baş verən evin sahibi V. Soltanlı “Bölgəxəbər” saytının redaktorudur.