Abşeron rayonunda 6 yaşlı piyadanın ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən ANS PRESS-ə verilən məlumata görə, hadisə avqustun 10-da saat 13:00 radələrində Abşeron rayonu ərazisində, Novxanı kəndində baş verib.

Bakı şəhər sakini Ramin Sadıqov idarə etdiyi "Range Rover" markalı avtomobillə kənd sakini 6 yaşlı Nərgiz Rüstəmovanı vurub. N.Rüstəmova aldığı xəsarətdən hadisə yerində ölüb.
Faktla bağlı cinayət işi başlanıb, hadisənin kimin səhvi ucbatından baş verdiyi araşdırılır.