Yevlax rayonunda qanlı hadisə törədilib. Rayon Prokurorluğundan verilən məlumata görə, Yevlax sakini olan 45 yaşlı Əli Tanrıverdiyev qonşusu, 57 yaşlı Bəxtandil Əfəndiyev tərəfindən qətlə yetirilib. Qətl hadisəsi Ə.Tanrıverdiyevin evinin yaxınlığında baş verib. B.Əfəndiyev qətli törətdikdən sonra könüllü olaraq polisə təslim olub.

Qətlə yetirilən Əli Tanrıverdiyev hadisə baş verən zaman sərxoş olub. Qətlin motivi tam məlum olmasa da, onun sərxoş olması əsas səbəb kimi göstərilir. B.Əfəndiyev deyib ki, hadisədən əvvəl Əli onu söyüb, lakin sərxoş olmasına görə buna əhəmiyyət verməyib. Hətta Əli ona bir neçə yumruq zərbəsi də vurub. O isə bundan əsəbləşib və evdən bıçaq götürərək ona bir zərbə vurub.

Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.